Baspa etikası hám qupıyalıq bayanatı
Jurnal redakciyası baspa etikasınıń xalıqaralıq qaǵıydaları (COPE) talaplarına qatań ámel etedi. Avtorlar, recenzentler hám redakciya aǵzaları arasındaǵı barlıq qarım-qatnaslar biyǵarezlik, ashıqlıq hám ilimiy hadallıq tiykarında alıp barıladı.
Saytta dizimnen ótken paydalanıwshılardıń atları, elektron pochta mánzilleri hám basqa jeke maǵlıwmatları tek usı jurnaldıń baspa jumısları ushın qollanıladı hám úshinshi shaxslarǵa berilmeydi.
Ilimiy nátiyjelerdiń isenimliligi hám hadallıq
Jurnalda járiyalanatuǵın maqalalardaǵı barlıq maǵlıwmatlar, sızıqlar hám súwretler faktlarǵa tiykarlanǵan bolıwı shárt. Qálegen túrdegi soxtalastırıw (falsifikaciya) yamasa maǵlıwmatlardı manipulyaciya qılıw qatań qadaǵan etiledi.
Plagiatqa qarsı gúresiw hám avtorlıq huqıqı
Barlıq qolyazbalar «Antiplagiat» sisteması arqalı dáslepki tekseriwden ótedi. Basqa avtorlardıń pikirleri, teksti yamasa ideyalarınan paydalanǵanda tolıq hám anıq siltemeler kórsetiliwi shárt.
Apellyaciya hám shaǵımlardı kórip shıǵıw tártibi
Eger avtor recenziyalaw procesinde mápdarlıq soqlıǵısıwı yamasa etikalıq buzılıwlardı anıqlasa, Jurnaldıń Bas redaktorına (science@karsu.uz) rasmiy apellyaciya jiberiwi múmkin. Apellyaciyalar 1 ay múddet ishinde ǵárezsiz komissiya tárepinen kórip shıǵıladı.