Nabijon Hoshimovning “Tog‘lik qiz” romanida mavzu ko‘lami

Mazkur maqolada badiiy asarda mavzu va muammo tushunchalarining nazariy asoslari hamda ularning o‘zaro bog‘liqligi yoritiladi. Xususan, roman janrida mavzu keng qamrovli bo‘lib, u asosida muammolar tizimi shakllanishi ilmiy jihatdan tahlil qilinadi. Nabijon Hoshimovning “Tog‘lik qiz” romani misolida yoshlar, oila, ota-ona, taqdir va muhabbat kabi mavzular hamda ularning badiiy talqini ochib beriladi. Asarda mifopoetik uslub, ramziy detallar, xronotop (makon va zamon uyg‘unligi) elementlari orqali muallif g‘oyasi ifodalangani ko‘rsatiladi. Shuningdek, obrazlar tizimi va poetik ifoda vositalari orqali inson qismati, axloqiy tanlov va ijtimoiy-ma’naviy muammolar keng yoritilgan